- قدامك طريقتين انك تطلعها بالعربي من اي سجل مدني قريب منك و تبقي تترجمها من اي مكتب ترجمة معتمد بعدين و خلي بالك لازم تستخرج واحده جديدة لان لو اللي معاك واحدة معدى عليها 3 شهور مش هيتصدق عليها , المهم هتطلع واحدة من السجل وتختمها بختم السجل وختم الظابط وبعدين قولهم انا عايز اصدق عليها عشان هوثقها من الخارجية هيقولولك اطلع مكتب التصديقات هيصدقولك عليها وهيحطولك كل الاكلشيهات وهتتمضي كمان من العقيد الي ماسك السجل.

- او انك تطلعها مترجمة علي طول من مبني قطاع مصلحة الاحوال المدنية اللي في العباسية، او من وزارة الصحة و السكان اللي في لاظوغلي و ده هتحتاج و انت رايح شهادة ميلاد عربي + صورة من الباسبور + صورة من باسبور الام و تقولهم انك عاوز توثقها من الخارجية هيبعتوك عند ظابط في مبني تاني يمضيها و يختمها علشان لو محتاج توثقها الشهادة المترجمة

- هتروح تطلع قسيمة زواج كمبيوتر من السجل المدنى الي انت تابع ليه وتختمها بختم السجل وختم الظابط

- وبعدين قولهم انا عايز اصدق عليها عشان هوثقها من الخارجيه هيقولولك اطلع مكتب التصديقات هيصدقولك عليها وهيحطولك كل الاكلشيهات وهتتمضي كمان من العقيد الي ماسك السجل

- لازم تكون عارف الحاجات دي علشان تطلع الشهادة ( سنة التخرج / اسم المدرسة اللي كنت فيها )

- بعد كده هتشوف ايه الادارة التعليمية اللي انت تابع ليها وهتدفع الرسوم وهيقولك تسلمها امتى

- في حالة كنت متخرج ومعاك الشهاده هتروح الكلية وتطلع بيان درجات يفضل انك تطلع شهادة بساعات الدراسة و شهادة عامة بالتقديرات ويكون معاك صور شخصية وصورة البطاقة ويكون معاك شهادة التخرج.

- لو كنت طالب لسه هتروح شئون الطلبه عندك فى الكليه تقولهم انا عايز اثبات قيد و مبين فيه موقفي التجنيدي ورقمي العسكري وبعدين هتاخدهم وهتروح على ادارة الجامعه قسم شئون الطلاب والخريجين وتقولهم عاوز اعتمده واصدق عليهم عشان هوديهم الخارجيه هيختملوك عليه كام ختم ويصدق عليه امين عام الجامعه و بيتم ترجمتها من قبل الجامعة ويجب ان تكون موقعه من وكيل الكلية والختم المختص لكى توثق من الخارجية ويفضل ان تستخرج اكثر من شهادة ويفضل شهادة بعدد الساعات وشهادة عامة بالتقدير سوف نحتاجها بالمستقبل.

- بالنسبة لطلبة الجامعات اثبات القيد يكفي لانه مبين فيه الموقف التجنيدي بس فى حالة اثبات القيد دى لازم يتوثق و يترجم

- سواء اعفاء او تأجيل او تحت الطلب لا يوثق يعني في حالة الإعفاء أو التأجيل أو تحت الطلب لا يصدق ولا يوثق ولكن يترجم

- اي شخص حاصل على اعفاء مؤقت أو طالب أو تأجيل و في سن التجنيد ومكتوب في الشهاده اللي معاه انه غير مصرح له بالسفر الا بإذن ممكن ياخد اذن من منطقه التجنيد التابع ليها بمنتهى السهولة وبياخدها في نفس اليوم كمان و ده بيطلع من إدارة التجنيد والتعبئة أو مناطق التجنيد اللي انت تابع لها.

- لو انت من الحالات دي : ( المستثنون مؤقتاً من أداء الخدمة العسكرية / الحاصلون على إعفاء مؤقت / الموضوعين تحت الطلب لمدة ثلاث سنوات / الذين أدوا الخدمة العسكرية ولم تنته مدة خدمتهم بالاحتياط / الطلبة المؤجل تجنيدهم للدراسة بالداخل خلال أجازة نصف العام ونهاية العام عدا طلبة السنوات النهائية ) يبقي لازم تستخرج تصريح سفر علشان تعرف تسافر بره مصر لانه بيتطلب منك في المطار و ده هيبقي كالتالي : ( الباسبور و عدد 2 صورة منه / صورة من التأشيرة / ا صل و صورة من البطاقة / صورة واحده من شهاده الموقف التجنيدي سواء اعفاء مؤقت أو تأجيل و يفضل لو معاك أصل لشهاده موقفك التجنيدي احتياطي فقط لا غير/ بون اسمه بون اذونات سفر للخارج بتجيبه من داخل منطقه التجنيد بجوار مكتب الحصول على إذن بالسفر للخارج

- اما بالنسبة للطلبة : الاوراق المطلوبة للحصول على إذن السفر بالخارج في اجازة نصف العام أو اجازة أخر العام الدراسي : ( عدد 2 صورة من الباسبور / صورة واحدة من التأشيرة / صورة واحدة من البطاقة / شهادة قيد من المدرسة أو الكلية أو المعهد مبين بها رقم وتاريخ قرار التأجيل والرقم الثلاثى للبطاقة العسكرية (6جند) والسنة الدراسية ومدة الأجازة ويتم منحهم إذن سفر خلال مدة الأجازة ( نصف العام / آخر العام ) ولايمنح لمن هم بالسنه النهائية فى أجازة نهاية العام / بون اسمه بون اذونات سفر للخارج بتجيبه من داخل منطقه التجنيد بجوار مكتب الحصول على إذن بالسفر للخارج ) بمنتهى البساطه بتروح الاول بتسأل داخل منطقه التجنيد على الشباك بتاع اذن السفر للخارج حتلاقيه وحتلاقي جنبه الشباك بتاع الخزنه اللي حتجيب منه بون اذونات السفر للخارج روح الأول لشباك الخزنه واشتري منه بون اذونات السفر للخارج و بعد ما هيكون معاك البون والصور من الورق المطلوب روح لشباك اذن السفر للخارج واديه للموظف.

- لو مكتوب فى باسبورك ( فى سن التجنيد ) يبقي لازم تعمل تصريح سفر من الجيش قبل السفر، لو مكتوب فى الباسبور ( في سن التجنيد ) وانت معاك شهادة بالإعفاء النهائي بس لسه مغيرتش الباسبور واثبت فيه انك غير مطلوب، يبقي تصور الشهادة دي وتاخدها معاك فى المطار ومش مطلوب منك تصريح سفر نهائياً. لو مكتوب فى الباسبور ( في سن التجنيد ) وانت دخلت الجيش، هتفضل لغاية متكمل 30 سنة لازم تعمل تصريح سفر فى كل مرة تسافر فيها، علشان تعمل تصريح السفر هتاخد كل الأوراق اللى فاتت + شاهدة تأدية الخدمة العسكرية ، لو مكتوب فى باسبورك ( غير مطلوب ) يبقي مش محتاج تصريح سفر من التجنيد نهائياً، وتقدر تسافر بالباسبور فقط.

- ملحوظة: الشخص الذي أدى الخدمة العسكرية يحتاج تصريح بالسفر للخارج لكن الشخص الذي لديه تأجيل أو اعفاء مؤقت سيحتاج الى إذن للسفر للخارج

- ملحوظة :مكاتب تصاريح السفر بإدارة التجنيد والتعبئة ومناطق التجنيد تعمل على مدار (24) ساعة

- تذهب لمكتب الصحة التابع للحى والذى تم فيه تطعيم الطفل و تطلب تسجيل جميع التطعمات كما هو مسجل بدفتر التطعيمات بالتاريخ و امام كل تطعيم مدون ختم النسر التابع لمكتب الصحة ( لدواعى السفر ) ثم تذهب لوزارة الصحة أو (مديرية الصحة ) و تطلب ختم النسر التابع لوزارة الصحة اسفل الشهادة من الظهر كل هذا مجانا

- ملحوظه: تقدر تستعمل الشهادة فى الكشف الطبي والتقديم للمدارس في أمريكا إن شاء الله

- الكشف الطبى بيبقى بعد وصول الجواب الثانى اللى بيكون فيه ميعاد المقابلة ويفضل انك تعمله قبل المقابله بثلاث اسابيع عشان مدة التأشيره 6 شهور تحسب من بداية الكشف الطبى … يعنى كل ما يبقى قريب من المقابلة افضل و أن یجریه طبیب معتمد من طرف قنصلیة الولایات المتحدة الأمریكیة

- المستشفيات : مستشفى الشروق بالهمندسين و مستشفى الانجلو بالزمالك ( لازم حجز ميعاد الاول قبل الذهاب لعمل الكشف )

- الوثائق المطلوبة لإجراء الفحص الطبي للفائزین في القرعة ( اصل الباسبور وصورة / صورتين اى مقاس خلفيه بيضاء ( مستسفى الشروق ) 5 صور 6*4 لو مستشفى الانجلو / صورة من الجواب الثانى بتاع المقابلة / العنوان اللى هتنزل عليه فى امريكا / عنوانك فى مصر / سجل التطعيمات للاطفال فقط )

- تعلیمات التطعیم : ينص قانون الهجره بالولايات المتحده على كل متقدم لتأشیرة الهجره الحصول على تطعیمات معینه موضحه بالأسفل قبل اصدار تأشیرة الهجره. التطعیمات والأجراءات تكون تحت اشراف لجنة الأطباء الذين يقومون بأجراء الفحص الطبى الخاص بتأشیرة الهجره وذلك للتأكد ان تعلیمات التطعیمات مستوفاه لدى جمیع المتقدمین أو ان المتقدم غیر لائق طبیا للحصول على احدى أو بعض التطعیمات المذكورة أدناة: النكاف، الحصبه، الحصبه الألمانیه، شلل الأطفال، التیتانوس، الدفتیريا، السعال الديكى، الأنفلونزا نوع (ب)، التهاب الكبد الوبائى فیروس (أ)، التهاب الكبد الوبائى فیروس (ب)، الجديرى المائى، الالتهاب الرئوى، الأنفلونزا، فیروس الروتا، المكورة السحائیة.

- لمساعدة لجنة الأطباء لتجنب حدوث أى تأخیر فى اجراءات تأشیرة الهجره، على كل المتقدمین أحضار سجلات التطعیم الى لجنة الأطباء في موعد الكشف الطبى بالنسبة للأطفال المرجو جلب الدفتر الصحي الخاص بهم . ويتم اخذ التطعيمات فى المصل واللقاح بالدقى

- في الأخیر سیعطونك ظرف إیاك ثم إیاك أن تفتحه إنه خاص بالقنصلیة

- الفيش الجنائي او صحيفة الحالة الجنائية هتجيبه من اقرب مركز او قسم شرطة او مديرية امن انت تابع ليها وبيطلع بصورة البطاقة و تقولهم عاوزه موجه للسفارة الأمريكية وتتصور من غير نظارة لو بتلبس وبعد الاستخراج تسألهم فين قسم الأدله الجنائية تروح تصدقها من هناك وتعتمدها

- يتم إصدار نشرات الـ Visa Bulletin في النصف الاول من كل شهر ( غالبا تكون خلال يوم 8 الي يوم 15 ) و يتم ارسال الجواب الثاني 2NL في النصف الثاني من كل شهر بعد اسبوع او اسبوعين من النشرة

- و يمكن متابعة نشرات الـ Visa Bulletin من هنا :

- https://travel.state.gov/content/travel/en/legal/visa-law0/visa-bulletin.html

- يقوم مكتب كنتاكي بإرسال بريد الكتروني محتواه انه يجب عليك الذهاب الي موقع فحص الحالة و يكون المرسل ( noreply@state.gov ) و حيث ان الايميل ما هو إلا مجرد إشعار و لا يوجد به اي معلومات فبالتالي هو ليس بذلك الاهمية و يمكنك الذهاب مباشرة الي موقع فحص الحالة عندما تعرف انه سيتم ارسال الخطاب الثاني اليك في هذا الشهر عن طريق متابعة نشرة الـ Visa Bulletin

- https://www.dvlottery.state.gov/ESC

- بمجرد تسجيل الدخول إلى هذا الموقع سترى رسالة مع تفاصيل موعد المقابلة و هكذا يبدوا الخطاب الثاني ويحتوى على الاتى : ( الاسم بكامل / العنوان الخاص بك / عنوان السفارة الامريكية / ميعاد المقابلة فى السفارة الامريكية / أسم الزوجة والابناء الاقل من 21 سنة )

- وده بتعمله وبتطبعة قبل المقابلة بيوم مثلا وده فايدته انه بيجى عليه الباسبورات اللى فيها الفيزا عن طريق شركة ARAMEX بعد الموافقة عليك من القنصل ان شاء الله و بعد طباعة التأشيرة الخاصة بالفائز وبيكون معاه ظرف أصفر لا يفتح إلا عند وصولك مطار أمريكا ويستلمه منك المسئول فى الشباك و هي من المستندات المهمة جداً ، و مش هتقدر تدخل السفارة علشان تعمل المقابلة من غيرها و دي أول حاجة بيطلبها موظف الأمن عند بوابة السفارة الأمريكية من الشخص الفائز بالهجرة وهتعمل حساب اراميكس عن طريق الموقع ده

- http://www.ustraveldocs.com/eg

- وده شرح فيديو ازاى تعمل الورقة من على الموقع

- https://www.youtube.com/watch?v=fEceqqBc46s

- في اي استوديو تصوير و تكون مش متعدلة بالفوتوشوب و خلفيتها بيضاء و مقاس 5 في 5

- ولو حصل اى مشكلة فى الصورة فى ستوديو صغير ممكن تتصور فيه داخل السفارة وبيبقى افضل من الناس اللى بيصوروا قدام السفارة

- صور شخصية تكون ذات خلفية بيضاء / قسيمة الجواز – حال وجودها – (الصورة والاطلاع على الأصل) / صورة البطاقة والاطلاع على الأصل / فى حالة الأنثى يتطلب صورة بطاقتها وصورة بطاقة الزوج / المؤهل الدراسى الصورة والاطلاع على الأصل / الموقف من التجنيد الصورة والاطلاع على الأصل

- فى حالة سافرت أنت وزوجتك وأسرتك أو لوحدك أكثر من 6 شهور خارج بلدك بتطلعها من مجمع التحرير فى القاهره بالباسبور وبتاخد حوالي 5 ايام

- المستندات المطلوبة لاستخراج شهادة التحركات : ( طلب من صاحب الشأن مرفقا به صورة طبق الأصل من جواز السفر أو بطاقة إثبات شخصية / تصريح من المحكمة إذا كانت الشهادة سوف تقدم إلى المحكمة / تصريح من النيابة العامة إذا كانت سوف تقدم للنيابة العامة / توكيل رسمي أو توكيل قانوني في حالة عدم وجود صاحب الشأن . )